1-сабақ

Жоба мақсаты

– Текше және параллелепипед фигураларының элементтерін есте сақтау;
– Текше мен параллелепипед фигураларын ажырата білу.

Мұғалімге нұсқаулық

– Оқушыларды топтарға бөліңіз;
– Оқушыларды сабақтың тақырыбымен және кіріспемен таныстырыңыз;
– Бірінші аптада әр оқушы 8 текше жасауы керек;
– Оқушылардың келесі сабаққа дейін 8 текшені сақтап қалуын қадағалаңыз (немесе қайтадан жасау керек);
– Екінші аптада текшелері қосып, бір шексіз текше жасалады.

Steam сабақтарындағы қауіпсіздік ережелері

Сабақты бастамас бұрын мұғалімге қауіпсіздік ережелерімен танысуға кеңес беріледі. Қажет болған жағдайда (ҚЕ-де көрсетілген заттарды пайдаланған жағдайда) оқушыларға қысқаша нұсқама жүргізу. Қауіпсіздік ережелерімен танысу үшін сілтеме бойынша өтіңіз STEAM сабақтарындағы қауіпсіздік ережелері

Теориялық бөлім

Кеңістіктік фигуралар

https://ru.freepik.com/photos/abstract’>Abstract фото создан(а) freepik – ru.freepik.com

Кеңістіктік фигуралардың бірі – тікбұрышты параллелепипед. Тікбұрышты параллелепипед – беттері тіктөртбұрыштар болып табылатын кеңістіктік фигура. Біздің айналамыздағы көптеген заттар параллелепипед тәрізді: шкаф, қораптар, теледидар және т.б
Параллелепипедтің 6 жағы бар және қарама-қарсы жақтары әрқашан тең. Жақтарының қабырғалары қырлар деп аталады, ал сол қырлардың қиылысу нүктелері параллелепипедтің төбелері деп аталады. Параллелепипедтің 8 төбесі мен 12 қыры бар. Үш қырының өлшемдері әртүрлі, оларды параллелепипед өлшемдері деп аталады – ұзындығы, ені, биіктігі.

Тағы бір кеңістіктік фигура – текше. Текше-барлық өлшемдері тең болатын тікбұрышты параллелепипед. Текшенің барлық қырлары шаршыдан тұрады.

Практикалық бөлім

Шексіз текшеге арналған текше моделдерін жасау.

1. Текшенің алты жағына(беттеріне) 6 түсті қағаз кесеміз, әрқайсысы 8 данадан, өйткені біз шексіз текше үшін 8 текше жасаймыз. Өлшемдері: 6 см Х 6 см.