1-сабақ

Лабораториялық жұмыс №14: «Бактерияға қарсы антисептик әсері» 1-сабақ

Жұмыстың мақсаты:

әр түрлі заттардың (спирт, хлоргексидин, йод, сабын және т.б.) бактерияға қарсы қасиеттерін зерттеу.
олардың бактерия өсуіне қарсы салыстырмалы тиімділігін салыстыру.

Күтілетін нәтижелер

Жобаны зерттегеннен кейін студенттер:

Топтық жұмыс дағдыларын қалыптастыра алады
алынған ақпаратты талдай және қорытындылай алады
өз бетінше логикалық қорытынды жасай алады

Мұғалімге арналған нұсқаулық:

Тапсырма 3 адамнан тұратын топтарда орындалады
Зертханалық жұмысты бастамас бұрын, сілтеме бойынша қауіпсіздік ережелерімен танысыңыз:

Қауіпсіздік техникасы

Жұмыс парағын жүктеп алу үшін сілтемеге өтіңіз:

Копия-Жұмыс-парағы.docx Жүктеу

Теориялық бөлім

Бактериялардың ауру тудырғыш түрлері патогендер деп аталады. Олар өте тез көбейеді.

Бактериялардың көбеюі мен таралуын қалай тоқтатуға болады? Бактерияларды өлтірудің немесе олардың көбеюіне жол бермейтін көптеген химиялық әдістер бар.

Антисептиктер. Бұл құралдарды тірі ұлпаларға, соның ішінде адам терісіне тікелей қолдануға болады.
Дезинфекциялау құралдары. Бұлар тірі ұлпалар үшін қауіпсіз емес. Сондықтан дезинфекциялау құралдары әдетте дәретханаларды, раковиналарды, едендерді және т. б. тазалау үшін қолданылады.
Антибиотиктер. Олар тірі ағзадағы бактериялардың жасушаларын қалыпты жасушаларға зақым келтірместен өлтіреді. Антибиотиктер тірі ағзада пайда болатын көптеген ауру-сырқаттарды емдеуге кеңінен қолданылады, тіпті өлімге әкелетін ауруларды, мысалы, скарлатинаны емдей алады.

Практикалық бөлім

Бұл тәжірибе мысалында этил спирті және хлоргексидин антисептиктері қолданылды. Сіз сонымен қатар, йод, антибактериальды сусабын немесе сутегі асқын тотығы секілді басқа да зарарсыздандырушы сұйықтықтарды өз тәжірибеңізде пайдалана аласыз.