Жануарлар жинағы
Мақсат
- Логикалық ойлану қабілетін дамыту
- Заттарды топтарға, жиынтықтарға бөлу қабілетін дамыту
Жұмысты бастамас бұрын қауіпсіздік шараларын оқыңыз [ қауіпсіздік ережелері ].
Тәрбиешіге арналған нұсқаулық
Балаларға құрлық және су жануарлары туралы әңгімелеңіз. Материалда төменде көрсетілген суреттерді пайдаланып мысалдар келтіріңіз. Әрбір мысалдан кейін балалардан өз мысалдарын келтіруді сұраңыз.
Кіріспе
Құрлық жануарлары бұл өмірінің көп бөлігін жерде өткізетін жануарлар. «Құрлық» деген сөз жануардың суға мүлдем тимейтінін білдірмейді; бұл жануардың су астында өмір сүре алмайтынын айтады. Құрлықтағы жануарлардың мысалдары арыстан, жираф, қасқыр, сиыр, жылқы және т.б.
Су жануарлары бұл белгілі бір уақыт немесе бүкіл өмір бойы суда өмір сүретін жануарлар. Су жануарлары ауаны арнайы мүшелердің (желбез) көмегімен немесе тері арқылы тыныс алады. Су жануарларының мысалдары акулалар, теңіз жұлдыздары, дельфиндер, киттер және басқалар.
Су жануарларының ішінде суда да, құрлықта да еркін қозғалатындары бар. Мұндай жануарларға бақалар, пингвиндер, теңіз тасбақалары және қолтырауындар жатады.
Жоба нұсқаулары
Бұл кезеңде балаларға жануарлардың суретін салып, оларды топқа бөлуді ұсыныңыз.
1. А4 қағазын кішкене бөліктерге бөліп, кесіңіз (10 бөлікке). Алынған бөліктерді балалар топтарына таратыңыз.
2. Балалар қағаздарға жануарлардың суретін салуы қажет. Әр баланы жануарлар топтарына қарай бөліңіз:
- құрлықта мекендейтін
- су астында мекендейтін
- құрлықта және су астында еркін қозғала алатын
Әр бала әр жануарлар мекендейтін топтан кем дегенде екі жануардың суретін салуы керек. Балалардың салған суреттеріне жануарлардың атын жазып беріңіз. Бояу үшін түрлі-түсті қарындаштарды пайдаланыңыз.
3. Әр топ балаларына А4 қағазынан екі парақ беріңіз. Балаларға қарындашпен парақтарға шеңберлер салуды ұсыныңыз. Шеңберлер A4 парағының бүкіл еніне сызылуы керек.
4. Алынған шеңберлерді кесу қажет.
5. Төмендегі суретте көрсетілгендей бөліктерді бір-біріне қағаз желімімен жабыстырыңыз (сіз жиындардың қиылысуының суретін алуыңыз керек)*
6. Бірінші шеңбердің астында орналасқан екінші шеңбердің шеттерін қарындашпен белгілеңіз.*
7. Сол жақ шеңберге «Жер» сөзін, оң жақ шеңберге «Су» сөзін жазыңыз*
8. Бөлшектерді қарындашпен бояңыз. Бөлшектің сол және оң жағын сәйкесінше қоңыр және көк түске бояу үшін түрлі-түсті қарындаштарды пайдаланыңыз. Бөлшектің ортасын түссіз қалдырыңыз*
*бұл әрекеттерді балалар орындауы керек
9. Балаларға келесіні айтыңыз:
Өздерің салған жануарларды қандай бөлікке қоюға болатынын ойланыңдар.
Келесі кезеңде оқушылар салынған жануарларды қағаз желімін қолданып тиісті бөлікке желімдеу керек:
- жер жағында, егер жануар құрлықта өмір сүрсе
- су жығында, егер жануар су астында өмір сүрсе
- ортасында, егер жануар құрлықта және су астында еркін қозғала алса
Қорытынды
Бұл жобада балалар құрлық және су жануарлары туралы білді. Сонымен қатар балалар заттарды топқа бөлуді үйренді.