1 апта

Жоба мақсаты

– Жабайы және үй құстарын ажырату;
– Құстарға жем салғыш жасау. 

Мұғалімге нұсқаулық

– Оқушыларды топтарға бөліңіз;
– Теориялық бөлімге қысқаша шолу жасап практикалық бөлімге өтіңіз.

Steam сабақтарындағы қауіпсіздік ережелері

Сабақты бастамас бұрын мұғалімге қауіпсіздік ережелерімен танысуға кеңес беріледі. Қажет болған жағдайда (ҚЕ-де көрсетілген заттарды пайдаланған жағдайда) оқушыларға қысқаша нұсқама жүргізу. Қауіпсіздік ережелерімен танысу үшін сілтеме бойынша өтіңіз STEAM сабақтарындағы қауіпсіздік ережелері

Теориялық бөлім

Бұрын барлық құстар жабайы болған, бірақ адамдар біртіндеп құстардың кейбір түрлерін адамдарға пайдасы үшін үйге үйреткен. Үй құстары адамдардвң жанында өмір сүре береді. Адам оларға қамқорлық жасайды, үй дайындайды, тамақ береді және балапандарын күтеді. Ол үшін адамдар жұмыртқа, ет және қауырсын алады. Үй құстарына: күркетауық, тауық, короз, қаз, үй үйрегі жатады.

Фото: Quang Nguyen Vinh: https://www.pexels.com/ru-ru/photo/2134180/
Фото: heba alwahsh: https://www.pexels.com/ru-ru/photo/12011987/

Жер бетінде жабайы құстардың көптеген түрлері бар. Олар алуан түрлі болып келеді. Жабайы құстар ұяларда, өздері құрастырған ұяларда, жерде және жартастарда тұрады. Олар өздері мен балапандарына тамақ іздеп, ұя салады. Кейбір жабайы құстар қыста суық аймақтарда қала береді, мысалы, үкі, торғай, қарғалар, көгершіндер. Ал кейбіреулері қыста жылы жерлерге ұшады. Мысалы, жабайы үйрек, аққу, қарлығаш. Біз қыстайтын құстарға қыста тамақ табуға көмектесе аламыз. Ол үшін біз осы сабақта жем салғыш жасаймыз.

Фотограф: Kevin Blanzy: https://www.pexels.com/ru-ru/photo/1156507/
Фотограф: Ashithosh U: https://www.pexels.com/ru-ru/photo/1406506/

Практикалық бөлім

Біздің планетамыздағы әрбір жануар өмір сүру үшін тамақ, су, ауа қажет. Энергия алу үшін жануарлар үнемі тамақтануы керек. Ол қандай тағам түрлерін жейтіні жануардың түріне байланысты. Жабайы құстың тағамы дәнді дақылдар немесе тұқымдар сияқты өсімдіктерден және жәндіктер, құрттар немесе балық сияқты жануарлардан тұрады. Әрбір жануар өмір сүру үшін қажетті тағамды таба алатын орынды таңдайды.

1. Алдымен біз жем салатын негізгі ыдысты жасаймыз. Картоннан шаршы ыдыс түрінде болуы керек. Картонды суреттегідей кесіңіз. Түбі үшін үлкен картон, қабырғалары үшін кішкентай картон. (суреттегі өлшемдер: 10 X 10 см; 10 x 2 см.) Содан кейін ыстық желіммен қосыңыз.

2. Енді біз бөтелкені орнататын қабырға жасаймыз. Картонды кесіп, желіммен қосыңыз. (өлшемдері: 25 X 9 см; 25 X 2 см.)

3. Бөтелкені ұстап тұрып, екі жағынан тесік жасаңыз (қарындашпен).

4. Бөтелкені ұстап тұру үшін тесік арқылы арқан тартып, байлаңыз.

5. Енді шатырды жасаңыз. (өлшемдері: 10 х 10 см)

6. Түтікшелер мен ыстық желімді пайдаланып, шатырды жауып, оны жаңбырдан қорғаймыз.

7. Төменде балмұздақ таяқшасын орнатыңыз, сонда құстарға тұруға ыңғайлы болады.

Дайын. Сіз бөтелкені тұқыммен толтырып, оны қайтадан орната аласыз. Бір-екі күннен кейін жем салғышқа құстардың келе бастағанын көре аласыз. Егер сіз құстарға әртүрлі тұқым салып корсеңіз, әртүрлі құстардың әртүрлі тұқымдарды ұнататынын байқауыңыз мүмкін.

– Бұндай жем салғышты қолдануға болады ма?
– Бұны тағы қалай жасауға болады?
– Бұны қалай дамыта аламыз?

Қорытынды

Құстарды тіршілік ету үшін қажет тамақ пен сумен қамтамасыз ететін орын құру – құстар туралы көбірек білудің тамаша тәсілі. Құстардың жем салғышы құстардың келуіне себеп болады, бұл сізге құстарды мазаламай-ақ мұқият бақылауға мүмкіндік береді. Болашақта оқушылар құстарды бақылау кезінде құстың мөлшері, қауырсын түсі немесе тұмсық пішіні сияқты белгілері бойынша құстардың түрін анықтай алады.

Бағалау

PBL бойынша бағалау критерийлері:
Project based learning (жобаға бағытталған оқыту) – бұл оқушылар жобада жұмыс жасау арқылы білім мен дағдыларды игеріп, шынайы, қызықты және күрделі сұраққа, мәселеге жауап табу мақсатында оқыту әдісі.