Эльзаның биі 

Жобаның мақсаты:

• Балалардың шығармашылық қабілеттерін дамыту және қағаздан қарапайым қозғалмалы механизм жасауға үйрету.
• Қол моторикасын жетілдіру және кеңістіктік ойлау қабілеттерін дамыту.
• Қозғалыс заңдылықтарын түсініп, механикалық жүйенің қалай жұмыс істейтінін зерттеу.
• Қызықты тәжірибе арқылы STEAM дағдыларын қалыптастыру.

Қалыптастырушы дағдылар:

• Қол моторикасы: Қайшы, желім, түтікше, ағаш таяқша және картонмен жұмыс істеу арқылы ұсақ моторикасын дамыту.
• Кеңістіктік ойлау: Қозғалмалы құрылғы жасау кезінде әр бөлшекті дұрыс орналастыруды үйрену.
• Танымдық қабілет: Балалар айналу қозғалысының қалай жүзеге асатынын түсінеді.
• Зерттеу дағдылары: Балалар механикалық жүйенің жұмысын көріп, оны бақылау арқылы қорытынды шығарады.

Жобаның құндылығы:

Бұл жоба балаларға механика және қозғалыс принциптерімен танысуға көмектеседі. Олар өз қолдарымен қозғалатын модель жасап, айналу қозғалысының қалай жұмыс істейтінін көреді. Сонымен қатар, бұл жоба олардың шығармашылық әлеуетін дамытып, өз еңбегінің нәтижесін тамашалауға мүмкіндік береді.

Тәрбиешіге арналған нұсқаулық

• Балаларға айналу қозғалысы мен оның күнделікті өмірдегі рөлі туралы қысқаша әңгіме айтып беріңіз.
• Бұл жобаны балалар топпен, жұппен немесе жеке орындайды.
• Балалар жобаның мақсатын қамтитын тақырыптармен танысуы керек. 
• Балаларға арналған жұмыс алаңын дайындаңыз. 
• Тәжірибелік  бөлімді бастамас бұрын балаларға барлық қажетті материалдарды таныстырыңыз және беріңіз.

STEAM жобасындағы  қауіпсіздік техникасы
Ұйымдастырған іс әрекетті бастамас бұрын тәрбиленушіге қауіпсіздік техникасымен танысу ұсынылады. Қажет болған жағдайда (ҚТ-да көрсетілген заттарды пайдаланған жағдайда) балаларға қысқаша нұсқау жүргізу қажет.
Сілтемеге өтіңіз     Қауіпсіздік ережелері 

Тәжірибелік бөлімі

1-қадам. Сілтеме арқылы өтіп, Эльзаның суретін ақ картон қағазға шығарыңыз. Оны қиып алыңыз. Эльза

2-қадам.  Суретті бір-біріне беттестіріп желімдеңіз. 

3-қадам. Көк картонға диаметрі 20 см болатындай үлкен шеңбер салыңыз.  Оны қиып алыңыз. 

4-қадам. Шеңбердің шеттерін суреттегідей қиып, қайырыңыз.

5-қадам. Түтікшеден 5-6 см қиып алыңыз. Бір жақ ұшын 4 бөлікке бөліп, қайырыңыз.

6-қадам. Түтікшені шеңберге жабыстырыңыз.

7-қадам. Эльзаның төменгі жағын екіге бөліп, қайырып шеңбердің екінші жағына жабыстырыңыз.

8-қадам. Ағаш таяқшаны ермексазға кіргізіңіз. Таяқшаның жоғары жағына Эльзаның суреті жабыстырылған түтікшені кіргізіңіз. 

9-қадам. Дөңгелекті түрту арқылы Эльзаны айналдырыңыз. 

Дайын! Енді сіз Эльзаның әсем биін тамашалап, оның қалай айналатынын зерттей аласыз!

Қорытынды

Бұл жоба балалардың шығармашылық және техникалық ойлау қабілеттерін дамытады. Олар қарапайым материалдарды пайдаланып, қозғалмалы модель жасау арқылы айналу қозғалысының қалай жүзеге асатынын түсінеді. Эльзаның сиқырлы биін тамашалау балаларға қуаныш сыйлап, олардың ғылыми-танымдық қызығушылығын арттырады.