Менің шағын бау-бақшам
Жобаның мақсаты:
Балаларды өсімдіктерді отырғызу және олардың өсу процесімен таныстыру, табиғатқа деген қызығушылығын дамыту, өсімдіктерге күтім жасауды үйрету.
Құндылықтар:
- Табиғатқа деген сүйіспеншілік
- Тірі ағзаларға жауапкершілік
- Шыдамдылық пен бақылаушылық
Қалыптастырушы дағдылар:
- Ұсақ моторика (тұқым отырғызу, топырақпен жұмыс істеу)
- Шығармашылық (үй макетін бояу, қоршауды безендіру)
- Сенсорлық қабылдау (топырақ пен тұқыммен жұмыс)
- Топтық жұмыс (бау-бақшаны бірге жасау)
Тәрбиешіге арналған нұсқаулық:
- Балаларға тұқымды дұрыс отырғызу жолын көрсетіңіз.
- Бақшада қандай өсімдіктер өсіруге болатынын талқылаңыз.
- Өсімдіктердің өсуі үшін су, жарық және жылу қажет екенін түсіндіріңіз.
- Балалармен бірге өсімдіктердің өсуін бақылаңыз.
STEAM жобаларындағы қауіпсіздік техникасы:
Жұмысқа кіріспес бұрын балаларды қауіпсіздік техникасымен таныстырыңыз. Қажет болған жағдайда (өткір заттар қолданылса) қысқаша нұсқаулық өткізіңіз. Сілтемеге өтіңіз
Тәжірибелік бөлім
Жобаны жасау бойынша қадамдық нұсқаулық:
1-қадам: Сілтеме бойынша үй макетін басып шығарыңыз. Оны қайшымен қиып, бояңыз.
2-қадам: Үйді ыдысқа жапсырыңыз.
3-қадам: Балмұздақ таяқшаларын алып, қалауыңызша бояңыз.
4-қадам: Екі жақты таспаның көмегімен таяқшаларды біріктіріп, қоршау жасаңыз. Қоршауды «бақшаға» терможеліммен жапсырыңыз (бұл әрекетті тәрбиеші орындайды).
5-қадам: Ыдыстың түбінен бірнеше тесік жасауды ұмытпаңыз.
6-қадам: «Бақшаны» топырақпен толтырыңыз. Тұқымдарды топыраққа сеуіп, үстінен тағы бір жұқа қабат топырақпен жабыңыз.
7-қадам: Топырақты аз мөлшерде сумен суарыңыз. Тұқымдардың бетіне қалқып шықпауын қамтамасыз ету үшін мүмкін болса бүріккішпен суарған жөн.
8-қадам: Бақты жарық жерге қойып, оған күтім жасаңыз (су құю, өсуін бақылау).
Дайын! Енді балалар өздерінің кішкентай бағына күтім жасап, тұқымдардан алғаш өскіндердің пайда болуын бақылай алады.
Қорытынды
Бұл жоба балаларды өсімдіктердің өсу процесімен таныстырады, байқағыштық пен табиғатқа қамқорлықты дамытады. Балалар жасыл желекті өз қолдарымен өсіріп, оны тағамға да пайдалана алады.