Адам қанының жасушаларын зерттеу

1-қадам. Қан жағындысын дайындау

• Қолды жуып, қолғап киіңіз.
• Заттық әйнекті 70% спиртпен сүртіп, кебуін күтіңіз. Саусақ ұшын спиртпен өңдеп, толық кебуін күтіңіз.
• Саусақты стерильді ланцетпен абайлап тесіңіз. Қанның алғашқы тамшысын мақтамен сүртіңіз, ал екінші тамшысын таза заттық әйнектің ортасына қойыңыз. Басқа бір әйнекті 45° бұрышпен қан тамшысына қойып, тез әрі біркелкі қозғалыспен жағынды жасаңыз. Дайын жағындыны ауада 10–15 минут құрғатыңыз.

2-қадам. Қан жағындысын бояу

• Мазокқа 5–6 тамшы Гимза бояуын тамызыңыз. 2–3 минут бойы тұрыңыз.
• Содан кейін жағындыны дистилденген суда 1–2 минут жуыңыз (Коплин банкінде немесе стақанда). Препаратты ауада құрғатыңыз.

3-қадам. Микроскоп арқылы бақылау

Кепкен әйнекті микроскоптың зат үстеліне қойыңыз. Жасушалар біркелкі таралған бөлікті табыңыз. Төмендегі үлкейту шамаларымен бақылаңыз:

• 4× – жағындының жалпы көрінісі
• 10× – жасушалардың таралуы

• 40× – эритроциттердің пішіні мен лейкоциттердің болуы

Бақылау және нәтижелерді тіркеу

Бақылау сұрақтары:

• Қандай қан жасушаларын байқадыңыз?
• Эритроциттер мен лейкоциттердің құрылысы мен қызметі несімен ерекшеленеді?
• Неліктен қанның жұқа жағындысын жасау маңызды?
• Гимза бойынша бояу не үшін қолданылады?
• Қанмен жұмыс жасағанда қандай қауіпсіздік шараларын сақтау қажет?