Кірпікшелі кебісшенің құрылысы мен қозғалысы

1-қадам. Кірпікшелі кебісшені өсіру

• Кірпікшелі кебісшелер шіріген өсімдік бөлшектері бар суда жақсы көбейеді. Үйде немесе мектепте кебісше алу үшін:
• 0,5–1 литрлік банка алыңыз. Ішіне алдын ала тұндырылған қарапайым су құйыңыз.
• Органикалық материал қосыңыз: бір уыс шөп, немесе салат жапырағы, немесе банан қабығы не кепкен жеміс бөлігі.

• Банканы  тікелей күн сәулесі түспейтіндей жарық жерге қойыңыз. 2-3 күннен кейін су бұлдырайды — бактериялар көбейеді. 3-5 күн ішінде суда алғашқы кебісшелер пайда болады.

2-қадам. Препарат дайындау

Пипеткамен кебісше бар судан бір тамшы алып, заттық шыныға тамызыңыз. Жоғарынан жабын шынымен жабыңыз.

3-қадам. Кебісшені микроскоп арқылы бақылау

• 4× үлкейту арқылы препараттағы жалпы көріністі, кебісшенің орналасуын қараңыз.

• Кебісшенің дене пішінін 10× үлкейту арқылы сипаттаңыз. Қозғалу бағытын бақылаңыз.

• Обьективті 40× үлкейтуге ауыстырыңыз. Кебісшенің кірпікшелерін анық көріңіз және олардың қозғалысқа қалай қатысатынын бақылаңыз. Егер көрініп тұрса, кебісшенің үлкен және кіші ядроларын белгілеңіз.

• Суретке түсіріп, кірпікшелер,ауыздық аймақ, вакуольдер, қозғалыс бағыты бөліктерін белгілеңіз. 

Нәтижелер мен қорытынды

Қысқаша қорытынды жасаңыз:

• Кірпікшелі кебісшенің қандай қозғалу мүшелерін байқадыңыз;
• Оның қозғалу механизмі қандай (кірпікшелердің ырғақты қимылы)?
• Басқа біржасушалылармен салыстырғанда құрылысының ерекшелігі неде?